它的入门Evolution就已經好正，但一試Reference已是另一境界。瑞士的东西确实不一样！

Swiss比PAD Silver平衡好多，音色中性真實自然。上下頻寛多一大截，細節，微動態更明顯，還原現場感真實度更好。可以話完全KO，連價錢也平一截。而对比VOVOX，呢條級數高過Textura，價錢也貴D，而表現就全面好過textura，音色也是走中性及平衡路線。不過如果係追求音效，重口味音色，要滑要甜，底音打心口，死光高音等等就唔啱，因為佢唔係味精線，係真材實料線。

Swiss同Vovox及PAD Ven仔有何分，我轉貼埋呢邊比大家參考。

PAD Ven主要係玩音色形的線材，論平衡度唔駛講一定不及Swiss或Vovox。所以PAD播古典音樂就真係唔掂，因為平衡度不好，D樂器就變晒聲，古古怪怪咁。低頻就欠線條及唔潛，低頻形態係向前湧的方式。

而Vovox及Swiss由於係較平衡的線材及冇味精，所以唔會有一些特別令人討好頻段去吸人買家。但就係因為呢一點，在播放古典或樂器等音樂時，能夠正正常常咁還原返本來的音色，而還原到有幾多或幾好，就要睇閣下器材的能力及質數，如果套嘢好，Swiss就出到好嘢。你套機係乜音色，佢就出返乜音色。

Swiss及Vovox的頻寛比PAD Ven好好多，上下频段出得多好D，音色中性，自然，有質感，立體又分離。而Swiss Reference model比Vovox Textura高出一班有多，尤其 在音場闊度，立體感，質感，Swiss好好多，而细節及微動態也表現出色。

基本上呢條線各方面平衡質數是好好，佢唔似其他廠線咁，例如你套嘢高音唔夠，咪加條高音多的線，低音唔夠，咪加多D低音比你。呢D就係我所講的味精，要乜味咪加乜味，呢D味精我以前成日食，所以好清楚。有經驗的師兄相信應該明白呢D係假象。不過，味精的確幾好食，個人口味喜歡也無所謂。

Swiss或Vovox就係嗰D，你落乜料去煲，佢就出乜料的湯，而用得真材質料去煲，你就唔好手痕痕走去加味精，咁就失去原意及冇咁好飲了。

總括來說，Swiss Reference 係一條高質，平衡，自然，有音樂感的線材，但就冇高清誇張音效，或特別音色。
睇反原來條SC已煲差不多一年，想提一提，Swiss 同 Vovox都係要花時間去煲的線，條線的表現會不停進步，越煲越連貫。